- 34 -

1282, o. J. Kamenz.

Heygdenricus, Voigt von Löwenstein, vergleicht sich mit dem Abte Konrad wegen des Zehnten in Schönheide.

In nomine domini amen. Ne res laudabiliter geste a memoria hominum elabuntur, expedit, ut in scripta publica redigantur. Ea propter ego Heygdenricus advocatus de Lewenstein notum facimus tam presentibus quam futuris, quod cum religiosis viris, domino Conrado abbati et conventui monasterii de Kamenz, super requisitione decimarum suarum, que de illis mansis, qui ad advocaciam dicte civitatis Lewenstein de Schonheigde sunt exempti, ad eos pertinere legitime dinoscuntur, licet per iniuriosam detentionem seu occupationem aliquot annis eedem decime ipsis fuerint denegate, de benivolencia et gracia fratrum eorundem in hunc modum amicabiliter concordavi et sub bona fide me presentis scripti serie obligavi, quod pro incommodis et iniuriis, que et quas prefati abbas et conventus occasione dictarum decimarum perceperunt, unam marcham argenti solvere debeam in festo beati Iohannis baptiste proxime affuturo et deinceps una cum heredibus meis et legitimis successoribus absque omni contradictione seu exceptione ipsis in perpetuum memoratas decimas dare aut etiam fideliter exhibere. In cuius rei testimonium presens documentum desuper confectum sigilli mei appensione feci memoriter communiri. Datum et actum in Kamenz anno domini M°. CC°. octogesimo secundo presentibus: domino Conrado abbate, Henrico priore, Henrico subpriore, Wolrado bursario, Iohanne cellerario, Hermanno portario et aliis quam pluribus de conventu.

Or. Perg. Mit dem am Rande beschädigten, sehr kleinen S. (der schlesische Adler frei schwebend) des Heygdenricus. Pfotenhauer, Siegel S. 24 unten. Regesten No. 1688.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.